Degemer

Ret eo fiñval

Ret eo fiñval
Embannet gant gireg konan Thu, 2018-05-24 08:39 | | |

Danvez ur bladenn  : "Ma re, O re"

Created by gireg konan on 24/5/2018
Creative Commons License
Viewed 184 times
Downloaded 182 times

Gallout a rit sellet ouzh ar video-mañ gant lenner Kaouenn.net, war-eeun war ho lec'hienn-c'hwi.
N'ho peus nemet da gopiañ al linenn-god da heul war ho pajenn web:


Sujed: 
Ret eo fiñval
Anonymous's picture
Author: 
Anonymous
Deiziad: 
Thu, 2018-05-24 21:15

Gallout 'rafen ober seizh gwech tro ar bed

Gant ul lestr dre lien pe ur spoutnik bennaket

Pe c'hoazh war droad pe war velo

E gwir pe dre hunvre, alato

Ma c'harantez 'vo amañ bepred.

 

Ret eo fiñval, ma dousig,

Na chomomp ket amañ da luduenniñ,

Da zizec'hiñ e-tal an tan.

Deomp war-raok, petra 'larez ?

Deomp war-raok, na lar ket nann !

 

Gallout 'rafen neuial a-dreuz mor 'vel ur vorganez

Pe mont da gleuziñ kof an douar da glask tan,

Pe c'hoazh er c'horrida lazhañ tirvi a-daolioù kleze

E gwir pe dre hunvre, alato

Ma c'harantez 'vo amañ bepred.

 

Gallout 'rafen doñvaat kezeg pe bleidi pe delfined

Pe diskroc'henniñ reuniged e glander an hanternoz

Pe hadañ an dispac'h e kement bro 'zo ezhomm

E gwir pe dre hunvre, alato

Ma c'harantez 'vo amañ bepred.

 

Forzh pegen kaer eo da zaoulagad

Ne c'houlan ket 'n em veuziñ 'barzh…

Forzh pegen don eo da galon

Ne c'houlan ket teuziñ e-barzh…

Forzh pegen flour eo da gomzoù

Ne c'houlan ket kousket e-barzh…

Forzh pegen tomm eo da wele

Ne chomin ket noz-deiz e-barzh…

 

Gallout 'rafen gwelout pegen koant an holl verc'hed er bed

Ha klevout o c'hoarzhadeg ha gwelout o blev o lufrañ

pe c'hoazh o daoulagad sklaer spontus ken kaer

E gwir pe dre hunvre, alato

Ma c'harantez 'vo 'vidout bepred.

 

Jef Philippe (2017)


[ login or register to post comments ]

Yezhoù

Kevreañ