Koneri Broudig
Ur ganaouenn all gant Frañsez Tomaz eus Perroz. En dro-mañ ez eo "Koneri Broudig" anv ar ganaouenn, war a seblant, ur c'hañfard a baotr anezhañ. Gwelet a reer n'eo ket Goneri e anv met Koneri. Un anv eo a zo brav-kenañ da glevet e brezhoneg, domaj eo en dije ur ster all e galleg, panevet da se e vije bet brav da zougen. Koneri Broudig Koneri Broudig 'c'h eo ar paotr stoup (2X) En deus tapet e revr war e chouk Taramtadadêno Hag aet gantañ da Drezeni Taradamtadadi Koneri Broudig 'c'h eo ar paotr kaezh A gas e verc'h d'ar skol war 'r maez E-lec'h he c'has d'al leandi Nimp ' oa kañfarded en hent bras Hag e meump (hon eus) ataket ar plac'h 'N ur skeiñ douar ha mein ganti Un taol he deus bet war he fenn Neuze 'c'h eo dizroet a-grenn Piv 'n deus skoet hemañ ganin ? Neuze ' oamp kondamnet raktal Na da baeañ pevar real 'Vit bezañ skoet mein ganti Welloc'h eo din paeañ ma somm 'Vit mont da brizon Lannuon Un dizenor e vefe din Oberour: Gireg Konan
Posted by gireg konan on 28/05/2007